القوانين

ملخص القوانين الأساسية. الادعاء بعدم المعرفة لا يعفي من المسؤولية.

2.0القوانين العامة

هذي القوانين تنطبق على كل اللاعبين بكل وقت وفي كل مكان بالماب.

2.1ممنوع الغش
الهكر، السكربتات، الدوب، استغلال القلتشات أو أي شي مشابه = بان.
2.2ممنوع التخريب أو الاستفزاز
  • ممنوع المضايقة أو التنمر أو أي تصرف مسيء.
  • المزح عادي، الكراهية لا.
2.3ممنوع العنصرية والتمييز على أساس الجنس
العنصرية، التمييز الجنسي أو أي نوع من التمييز = طرد مباشر.
2.4قوانين المنطقة الآمنة
  • ممنوع القتل أو السرقة أو تخريب أو مهاجمة سيارات وأغراض اللاعبين داخل الـ Safe Zone.
  • ممنوع الـ Camping أو القتال عند حدود الـ Safe Zone أو داخل المنطقة الحمراء المحيطة فيها.
  • لا تطلع من السيرفر وتخلي سيارتك واقفة داخل الـ Safe Zone، إلا إذا كنت بس بتسوي Relog بسبب مشكلة أو Restart للسيرفر.
  • إذا ما راح تستخدم سيارتك، خزّنها عن طريق Garage Terminal.
  • أي سيارة تنترك فترة طويلة داخل الـ Safe Zone ممكن تنحذف أو تنعرض بالمزاد.
  • استخدم مواقف السيارات أو الـ Garage إذا خلصت من استخدام السيارة، ولا تتركها واقفة بدون سبب.
  • مسموح توقف عند الـ Traders لفترة قصيرة بس وقت التحميل أو التنزيل أو ترتيب أغراضك.
  • ممنوع تجلس AFK داخل السيارة لفترة طويلة.
  • ممنوع تدخل أو توقف سيارتك داخل الـ Safe Zone Bunker أو داخل أي مبنى بالـ Safe Zone.
2.5صلاحية الإدارة
الإدارة لها الحق تتصرف مع أي لاعب يسبب مشاكل أو إساءة أو سمّية بشكل مبالغ فيه ويخرب جو المجتمع.
2.6ممنوع Stream Sniping
ممنوع تستخدم بث لاعب مباشر عشان تعرف مكانه أو تحصل على معلومات داخل اللعبة وتعطي نفسك أفضلية عليه.
2.7الخيانة داخل القروب
  • ممنوع تدخل مع قروب أو فاكشن وتستغل ثقتهم عشان تسرق أو تخرب البيس أو تسرّب أماكن اللوت والأكواد.
  • أي حركة من هالنوع تعتبر Insiding / Griefing وممكن توصل عقوبتها إلى Ban.
  • ويشمل بعد استخدام البث عشان تعرف مكان البيس أو ترتيبه من داخل وتستفيد من هالمعلومات داخل اللعبة.
3.0قوانين بناء البيس

قوانين بسيطة للبناء، عشان ما تسكر الطرق أو الأماكن المهمة وما تسبب لاق أو مشاكل بالسيرفر.

3.1ممنوع تسكير الطرق

ممنوع تبني على الشوارع الرئيسية أو تسكر الطريق.

3.2الابتعاد عن الـ Safe Zone

ممنوع تبني داخل الـ Safe Zone أو قريب منها بشكل مبالغ فيه.

3.3لا تسكر الطرق والمداخل المهمة

ممنوع تسكر المداخل أو الجسور أو الأنفاق أو أي طريق مهم.

3.4ممنوع البناء عند الـ Traders

ممنوع تبني فوق الـ Traders أو الأماكن المهمة مباشرة.

3.5البناء داخل حدود الماب

لازم يكون البيس داخل حدود الماب المسموح اللعب فيها.

3.6بناء بدون مبالغة

ابنِ براحتك، بس تجنب البناء المبالغ فيه إذا كان يسبب لاق أو مشاكل للسيرفر.

4.0نظام البيس والريد
4.1وقت الريد

الريد مسموح بس يوم الجمعة من 8 مساءً إلى 12 منتصف الليل (UTC+3).

4.2تكسير البيس

مسموح تكسير الأبواب المخصصة للريد بس.

4.3البوست

مسموح تساعد خويك يطلع فوق الجدران أو المباني وقت الريد.

4.4ممنوع تسجيل الخروج داخل بيس الخصم

ممنوع تسجل خروجك وأنت داخل بيس لاعب ثاني.

4.5ممنوع أخذ اللوت من وراء الجدران

ممنوع تستخدم الـ Vicinity عشان تاخذ لوت من ورا جدار أو باب.

4.6ممنوع الريد بالسيارات

ممنوع تستخدم السيارات عشان تكسر أو تخرب البيسات.

5.0قوانين ريسبون كيس النوم

قوانين مكان كيس النوم وطريقة الريسبون منه.

5.1وقت انتظار الريسبون

إذا حطيت كيس نوم يبدأ تايمر 30 دقيقة. بعد ما يخلص تقدر تسوي ريسبون عليه.

5.2مكان كيس النوم

لازم الكيس يكون داخل بيسك، أو داخل كامبك إذا ما عندك بيس.

5.3ممنوع الريسبون العشوائي

ممنوع تسوي ريسبون على كيس نوم مخزن داخل شنطة أو سيارة، أو محطوط برا بيس أنت قاعد تسوي عليه ريد.

5.4ممنوع استخدام الريسبون للتنقل السريع

ممنوع تسوي ريسبون على سرير وأنت بكامل أغراضك عشان تستخدمه كـ Fast Travel.

5.5استغلال ريسبون السرير

استغلال ريسبون السرير يعتبر مخالفة وتقدر تبلغ عنها، ولازم يكون معك دليل.

6.0قوانين المركبات

قوانين تخزين السيارات، مسؤولية استخدامها، وحالات التعويض.

6.1تخزين السيارات بالكراج

استخدم Garage Terminal عشان تخزن سياراتك. الحد الأقصى 10 سيارات مخزنة لكل لاعب.

6.2السيارات اللي برا الكراج

أي سيارة مو مخزنة في Garage Terminal تعتبر برا الكراج، وممكن أحد يلوتها أو يسرقها أو يدمرها.

6.3حد سيارات البيس

تقدر تخلي سيارتين فقط موجودة فعليًا عند بيسك. باقي السيارات لازم تخزنها بالكراج عشان نحافظ على أداء السيرفر.

6.4استخدام السيارة على مسؤوليتك

استخدام السيارة يكون على مسؤوليتك.

6.5ما فيه تعويض

ما راح ينصرف لك تعويض في الحالات هذي:

  • كراش اللعبة أو انقطاع الاتصال.
  • اللاق أو مشاكل الـ Desync.
  • غلط من الطيار أو السواق.
7.0قوانين التعويضات

متى نعوضك، شنو الدليل المطلوب، والحالات اللي ما يشملها التعويض.

7.1متى نعوضك

نعوضك في الحالات هذي بس:

  • ضاع منك لوت أو سيارة بسبب بق واضح من السيرفر أو كراش كامل للسيرفر.
  • لاعب خالف القوانين وتسبب بخسارتك، ومعك دليل واضح على اللي صار.
7.2شنو الدليل المطلوب

أرسل مقطع يبين الحادثة كاملة من قبل ما تبدأ إلى نهايتها. لازم المقطع يوضح اسمك، سبب الخسارة، والأغراض أو السيارة اللي راحت. الروابط المقبولة:

  • Medal.TV
  • YouTube
  • SteelSeries GG
7.3متى تقدم الطلب

قدم طلب التعويض خلال 24 ساعة من وقت الحادثة. الطلبات المتأخرة ممكن ما تنقبل.

7.4ما عندك دليل، ما فيه تعويض

ما عندك دليل واضح = ما فيه تعويض. نعوضك فقط عن الأشياء اللي نقدر نتأكد منها بالمقطع.

7.5حالات ما يشملها التعويض

ما فيه تعويض على الحالات هذي:

  • كراش لعبتك أو انقطاع النت عندك.
  • اللاق أو مشاكل الـ Desync.
  • غلط منك بالسواقة أو الطيران.
  • قتل أو سرقة أو خسارة صارت بشكل طبيعي وبدون مخالفة للقوانين.
7.6الريستارتات المجدولة

ما فيه تعويض على الريستارتات المجدولة، ومواعيدها موجودة في Discord. اطلع قبل الريستارت بـ15 دقيقة، وإلا ممكن ترجع سيارتك أو أغراضك لآخر حفظ.

7.7مراجعة الإدارة والطلبات الكاذبة

الإدارة تراجع الدليل وتحدد التعويض المناسب. إذا كان المقطع مقصوص أو مخفي تفاصيل مهمة، ممكن ينرفض الطلب. تقديم طلب كاذب أو محاولة استغلال نظام التعويض يعرضك للعقوبة.

7.8حافظ على أغراضك

أمّن أغراضك وخزن سيارتك قبل ما تطلع، واطلع بدري قبل الريستارت عشان تتجنب الـ Rollback.